|
Allo-immuun anemie van die fetus en die
pasgeborene word bemiddel deur antiliggame wat deur die
immuunsisteem geproduseer word in respons op vreemde
rooibloedselantigene. Hierdie verskynsel vind plaas
agv twee redes: 1.) na transfusie van antigenies
verskillende fetale selle in die moederlike sirkulasie
tydens swangerskap of bevalling (dit lei meestal tot
sensitisasie tot antigene van die rhesussisteem
[D, C, E, c, e]), of 2.) in die nie-swanger toestand agv
terapeutiese bloedtransfusies of naalde wat gedeel word
tydens dwelmmisbruik (en dit behels dikwels sensitisasie
tot ongewone antigene [Kell, M, Duffy, Kidd, ens.]).
Sifting vir ongewone antiliggame is aangedui in all
swanger vroue met 'n positiewe indirekte
antiglobulientoets (Coombs-toets). LET WEL: Die
indirekte Coombs-toets is aangedui in alle swanger vroue.
Dit sluit Rh-positiewe vroue in, aangesien antiliggame
buiten anti-Rh wat ook met hemolitiese siekte van die
pasgeborene (HSP) geassosieer word teenwoordig mag wees.
HANTERING VAN 'n SWANGER VROU MET 'n ( EERSTE)
POSITIEWE INDIREKTE ANTIGLOBULIENTOETS Geskiedenis:
Identifiseer 'n moontlike bron van sensitisasie
· Vorige swangerskap(pe)?
· Vorige bloedtransfusies?
· Dwelmmisbruik? Identifiseer die verantwoordelike
antiliggaam
1 . Aangesien moederlik - fetal e D -
antigeenonverenigbaarheid met ander
antigeenonverenigbaarhede gepaard mag gaan, word 'n
volle ongewone antiliggaamsiftingstoets aanbeveel ongeag
die moeder se Rh-status. 2. Indien die antiliggaam
geïdentifiseer met hemolitiese siekte in die fetus of
die pasgeborene geassosieer word, moet die titer bepaal
word om fetale risiko te voorspel. 'n Kritiese titer
word gedefinieer as die titer wat 'n betekenisvolle
risiko vir fetale anemie inhou. In die meeste sentrums
word titers vir anti-D van 16-32 en vir anti-Kell van
8-16 as kritiese titers beskou. Moederlike titers word
maandeliks opgevolg tot ongeveer 24 weke
swangerskapsduur en daarna 2-weekliks. Indien die
pasiënt 'n betekenisvolle obstetriese geskiedenis het
tov
allo-immunisasie (perinatale sterfte wat verband hou met
HPS, nodigheid vir IU bloedtransfusie of ekstrauteriene
uitruiltransfusie), is moederlike titers nie aangedui
nie omdat dit geen voorspellingswaarde het tov die graad
van fetale anemie nie.
3. Bepaling van vaderlike antigeenstatus word ook
voorgestel. Dit is veral van waarde in gevalle van
sensitisasie tot antigene anders as D. Indien die vader
negatief vir die antigeen toets, behoort daar geen
risiko vir die fetus te wees nie (sensitisasie kon bv
agv 'n vorige bloedtransfusie plaasgevind het). [NOTA:
hierdie toets word by die Nasionale Bloedtransfusiediens
uitgevoer. Kontaknommer: 011 761 9000] DIE ONGEWONE
ANTILIGGAAM - SIFTINGSTOETS
Hierdie toets word nou deur Lancet Laboratoriums
aangebied.
Identifikasie van ongewone bloedgroepantiliggame behels
die gebruik van 'n paneel van bloedgroep Oselle wat vir
so veel as moontlik bloedgroepantigene getoets is. Die
serum wat ondersoek word, word teen hierdie (tot 10)
selle van die paneel getoets dmv die antiglobulienmetode.
Vergelyking van die resultate met die gedekodeerde
inligting (met betrekking tot die paneel) sal
uiteindelik die spesifisiteit van die ongewone
antiliggaam onthul.
TOETSVEREISTES:
10 ml gestolde bloed (geen gel) en 1 ESTA-monster.
Besonderhede van vorige swangerskappe asook huidige
swangerskapsduur moet ook voorsien word.
KLINIESE BETEKENIS VAN ONGEWONE ANTILIGGAME
Bloed groepsisteem
|
Antiliggaam*
|
Transfusiereaksie
|
HPS*
|
| Rh-hr |
D
C
E
c
e |
Waarskynlik
Waarskynlik
Waarskynlik
Waarskynlik
Waarskynlik |
Algemeen
Mag
Mag
Algemeen
Mag |
| Kell |
K
k |
Waarskynlik
Waarskynlik |
Mag
Mag |
| Duffy |
Fy
FY |
Waarskynlik
Waarskynlik |
Mag
Selde |
| Kidd |
Jk
Jk |
Waarskynlik
Waarskynlik |
Mag
Mag |
| Lewis |
Le
Le |
Mag
Ongewoon |
Nee
Nee |
| MNS |
S
s
M
N |
Waarskynlik
Waarskynlik
Ongewoon
Ongewoon |
Mag
Mag
Mag
Ongewoon |
| P |
P |
Ongewoon |
Ongewoon |
| Lutheran |
Lu
Lu |
Ongewoon
Waarskynlik |
Nee
Mag |
LET WEL:
1. Buiten die ABO- en Rh-sisteme is anti-K waarskynlik
die mees algemene oorsaak van HPS. Dit mag IgG, IgM of
'n mengsel wees; die IgG-vorm word meeste gevind.
2. Lewis-antiliggame veroorsaak nie HPS nie. Die
Lewis-antigeen is swak ontwikkel in pasgeborenes en die
anti-Le-immunoglobulientipe is IgM, wat die die plasenta
kruis nie.
3. Baie van hierdie antiliggame veroorsaak slegs geringe
HPS. Ondersoeke om fetale risiko te
bepaal (afgesien van antiliggaamtiters) sluit seriële
amniosenteses in vir delta-OD450- bepalings en MCA-PSV (middel
serebrale arterie piek sistoliese velositeit), 'n
waardevolle nie-indringende metode om matige tot erge
anemie op te tel.
| Hantering van die nie-swanger individu
met Coombs-positiewe hemolitiese anemie na
bevestigde ABO- en Rh-verenigbare
bloedtransfusie:
Geskiedenis: Identifiseer 'n moontlike
bron van sinsitisasie
Vorige bloedtransfusie(s)?
Vorige swangerskap(pe)?
Dwelmmisbruik?
Identifiseer die verantwoordelike
antiliggaam |
| Vir verdere inligting, kontak
asseblief: |
DR COLIN DE BRUYN
DR YANNIS PILLAY
DR EMMA WYPKEMA
DR CLIVE SOLDIN
DR MARELIZE ENSLIN
DR WAYNE MACKINTOSH
DR PRUSHINI MOODLEY
DR JOHAN NIEMANN
DR LIEZEL DE WET
DR LINDSAY EARLAM |
(011) 358 0720
(011) 358 0718
(011) 358 0813
083 655 1105
083 655 6374
(031) 308 6548
(031) 308 6519
083 652 4414
082 927 6599
(011) 358 0733 |
LANCET LABORATORIUMS Pretoria:
Skakelbord: (012) 483 0100
Kliëntedienste: (012) 483 0110 LANCET LABORATORIUMS
Johannesburg:
Skakelbord: (011) 358 0800
Kliëntedienste: (011) 358 0888 LANCET LABORATORIES
Kwa-Zulu Natal:
Skakelbord: (031) 308 6500
Kliëntedienste: (031) 308 6655 |
